Најмалку 34 лица загинаа во бомбардирањето на сирискиот град Дума, во близина на Дамаск, соопшти сириската опозициска Опсерваторија за човекови права со седиште во Бејрут.
– Во нападите на владините сили на Дума загинаа 34 лица, меѓу кои 12 се деца и осум се жени – изјави директорот на Опсерваторијата Рами Абдел Рахман.
Истовремено, во ракетен напад на сектор под контрола на владините сили, североисточно од Дамаск, убиени се девет лица.