Манс Зелмерлев од Шведска со песната „Heroes“ е победник на 60. јубилејно издание на „Евровизија“ со освоени 365 поени. На второ место се најде Русија, а по неа Италија.
Македонија иако не се пласираше во финале, сепак имаше право да гласа, но нејзините поени се неважечки.
Имено, од нашата земја, како и Црна Гора, гласовите ги пресметале само од телефонските гласови, а не и од жири-комисијата која треба да учествува со 50 проценти, како што наложуваат правилата на годинешната „Евровизија“ во Австрија.
Бидејќи не е запазено правилото 50 проценти телефонско гласање – 50 проценти жири-комисија, поените се неважечки, но тоа не влијае на конечниот резултат.