Германскиот министер за надворешни работи, Франк-Валтер Штајнмајер, и неговиот француски колега, Жан-Марк Ејро, напишале заеднички текст кој го објави „Франфуртер алгемајне цајтунг“, а во кој повикуваат на спроведување реформи во Украина.
Штајнмајер и Ејро почнуваат дводневна посета на Киев.
Во текстот е истакнато дека е важно највисоките украински функционери „да останат посветени на духот на Мајдан и да продолжат со потребните реформи“.
Шефовите на дипломатија посебно предупредија на важноста од примена на мировниот договор, потпишан минатата година во Минск.
Во изминатите две години во непријателствата на истокот на Украина загинаа повеќе од 9.000 лица.