Европската Унија треба да заземе поактивна улога на меѓународната сцена, оцени германскиот министер за финансии, Волфганг Шојбле.
Тој смета дека земјите членки треба да бидат обединети и да не зависат од САД особено кога треба да се одговори на различни проблеми почнувајќи од безбедноста до климатските промени.
Шојбле изјави дека Европа чекаше премногу долго време САД да дејствуваат место неа и да го компензираат дефицитот во политиката на ЕУ.
„Крајно време е повеќе да размислиме за меѓународната улога на Европа, освен за се она што се работи внатре во ЕУ“, напиша Шојбле во статијата за „Функе“, што е објавена денеска, на првиот ден од Минхенската конференција за безбедност.