Камион шлепер со македонски регистерски ознаки утрово се превртел на магистралниот пат Врање – Владичин Хан, пренесуваат српските медиуми, повикувајќи се на информации од полициската управа во Врање.
Оттаму информираат дека во сообраќајната несреќа нема повредени и дека била причинета мала материјална штета.
Први на помош на возачот на превртениот шлепер му пришле работниците на грчката фирма „Терна“, чиј камп со градежни машини се наоѓа во близина.
Поради несреќата, сообраќајот на оваа делница бил во прекин петнаесетина минути.
Како што пренесуваат српските медиуми, местото на несреќата е доста ризично за возачите бидејќи станува збор за остра кривина под надвозник, која настанала поради изместувањето на предходниот магистрален пат и изградбата на Коридорот 10.