„Со двајца вработени по семејство, со намалување на невработеноста, со продуктивни работни места, не со фиктивни како што ни се нудат досега, ќе успееме да внесеме среќа во секое наше семејство за да ги зачуваме младите и да обезбедиме живот во нашата држава онаков каков што заслужува секој наш граѓанин поединечно“, изјави носителот на кандидатската листа на СДСМ во изборната единица 6, Петре Шилегов, на средбата со граѓаните од Тетово.
Тој додаде дека СДСМ има намера да го направи животот на граѓаните поевтин, поедноставен, преку укинување на такси кои нема потреба да се плаќаат, како што е радиодифузната такса.
– Со секоја платена сметка, како и на сите други производи, ќе овозможиме на граѓаните поврат на паричните средства во висина од 15 проценти од платениот данок на додадена вредност, на тој начин што ќе се овозможи секој еден граѓанин на крајот на секоја година да добива 13. плата – изјави Шилегов и додаде дека мерките кои ги креираат ќе придонесат просечната плата да изнесува 500 евра по вработен.