Станбена зграда со пет ката се урна во близина на Неапол, а спасувачите се обидуваат да откријат дали под урнатините има затрупани лица.
Пожарникарите за локалната телевизија „Скај ТГ24“ рекле дека стравуваат дека најмалку шест или седум лица се заробени под урнатините во местото Торе Ануцијата.
Италијанската агенција АНСА пренесе изјави од очевидци кои велат дека пред уривањето на зградата не се слушнала експлозија.
На фотографиите објавени на социјалните мрежи се гледа урнатиот дел од зградата и внатрешноста на некои станови.