Гордана Јанкулоска пред камерите имаше историска шанса да се извини на граѓаните и да си поднесе оставка, се вели во писмената реакција на СДСМ за денешната изјава на министерката за внатрешни работи, во која се додава дека „тоа би бил вистински “историски пресврт“ за којшто денеска зборуваше со половина уста и дека таа можност и сè уште отворена“
„Која Гордана Јанкулоска денеска зборуваше: Јанкулоска која смета дека состојбата во државата е „идиотска“, а Груевски е „забеган“ бидејќи троши милиони евра за споменици и вкоричува книги со злато, додека полицајците се покриваат со ќебиња од ЈНА и се радуваат на плочки во тоалети? Или Јанкулоска која е принудена да гледа „историски пресврт“ за време на Владата на Никола Груевски? Или, можеби, Јанкулоска за која „идиотската“ состојба во државата е „историски пресврт“? Која од овие „Гордани“ најавува правна разврска?“, стои во писмената реакција од СДСМ.