Ставовите на СДСМ по повод одржаната средба се презентирани во изјавите на партиските функционери и во официјалните соопштенија на партијата, реагираат од СДСМ во соопштение. Од партијата велат дека текот и исходот на лидерската средба одржана во Брисел, предизвикале различни коментари, шпекулации и дезинформации во медиумите и во јавноста во Македонија.
„Уште еднаш ја поздравуваме целосната посветеност, пред сè, на еврокомесарот Јоханес Хан, како и на другите меѓународни претставници присутни во Брисел. Сакаме и да се заблагодариме за активното учество и за личниот придонес преку давање предлози и решенија за излез од длабоката политичка криза во која се наоѓа Република Македонија“, стои во партиското соопштение.