Судските власти во американската сојузна држава Џорџија вчера ја извршиле смртната казна врз 47-годишната Кели Гисенднер и покрај бројните апели од разни здруженија во САД кои се против овој вид казни, јавуваат светските медиуми.
Кели Гисенднер е првата жена во сојузната држава Џорџија врз која е извршена смртна казна во последните 70 години.
Нејзините адвокати, како што пренесуваат медиумите, поднеле три жалби до Врховниот суд на САД во обид да ја одложат казната неколку часа пред егзекуцијата, но тие биле одбиени. Не помогнале ниту обидите на папата Франциск, кој деновиве беше на посета во САД, преку апели да ги премисли судските власти и да ја блокира егзекуцијата.
Кели Гисенднер е осудена бидејќи со љубовникот го планирала убиството на нејзиниот сопруг, во 1997 година. Љубовникот, кој го извршил убиството, бил казнет на доживотен затвор, по предходна спогодба со правосудните органи.