Согласно податоците од Институтот за јавно здравје, Министерството за здравство информира дека во последните 24 часa направени се 1.774 тестови, а регистрирани се нови 792 случаи нa ковид-19. Според овие бројки, 44,6 отсто од тестираните се позитивни, што е досега највисок процент во последниот период.
Од вкупниот број позитивни лица, регистрирани се 203 реинфекции, а регистрирани сe и 317 оздравени пациенти. Во министерството информираат дека во текот на изминатите 24 часа нема пријавени починати лица.
„Согласно Регистарот на умрени лица со дијагноза ковид-19 од системот на „Мој Термин“ се регистрирани две починати лица од Скопје (79г) и Гостивар (75г). Двајцата се починати во домашни услови. Лицата се пријавени за починати во период од 14 до 18 јули“, информираат во министерството.
Досега во земјата се направени вкупно 2.102.378 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 320.598, бројот на оздравени пациенти е 307.658, на починати е 9.345, а бројот на активни случаи изнесува 3.595.