Од 84 жртви од терористичкиот напад во Ница, 38 се странски државјани, соопшти француското министерство за надворешни работи.
Настраданите се по потекло од 19 земји и тоа од Алжир, Германија, Ерменија, Белгија, Бразил, Естонија, САД, Грузија, Италија, Казахстан, Мадагаскар, Мароко, Полска, Романија, Русија, Швајцарија, Тунис, Турција и од Украина, стои во соопштението од француското МНР и се додава дека списокот не е конечен.
Сепак, во овој момент, сите жртви, без разлика дали станува збор за повредени или починати лица, потекнуваат од вкупно 29 земји, се додава во соопштението.
Минатата недела 31-годишниот Тунижанец, Мохамед Лахуаиеј Булел, со камион прегази и уби 84 лица, а повреди стотина на шеталиштето во Ница.
Нападот беше извршен на 14 јули, националниот празник, Ден на падот на Бастиља.