Денеска стартуваше првиот број од електронскиот весник „Заштита на регионот на Охридско Езеро“, кој е достапен на три јазици, македонски, англиски и албански јазик.
Весникот се објавува во рамки на Проектот за интегрална заштита на културното и природното богатство на Охридскиот Регион поддржан од УНЕСКО.
УНЕСКО се залага за заштита на наследството на охридскиот регион преку зајакнување на институционалните капацитети, развивање на мерки за негова одржливост и промоција, како и интегралност преку подготовка за ставање на албанската страна на регионот под заштита на УНЕСКО.
– Весникот е преглед на сите настани, факти и идни активности во контекст на промоцијата и на зајакнувањето на капацитетите на институциите во Охридскиот Регион, од македонска и од албанска страна. Весникот е издаден на три јазици, а именувањето е во согласност со политиките на УНЕСКО – вели Дејан Пановски од Министерството за животната средина.