Зоран Заев, Бубо Каров, Филип Миркуловски се само некои од имињата од околу 70 политичари, спортисти, уметници, дипломати, бизнисмени, манекенки, кои раскажуваат како ги заработиле своите први пари во книгата на Александра Велинова „Како ги заработив првите пари“. Книгата беше промовирана денеска напладне, во бибилиотеката „Ванчо Прќе“ во Виница.
Велинова во книгата раскажува за тоа која била првата работа на овие познати и популарни личности во Македонија, но и како ги потрошиле заработените пари.
– Сите овие познати личности го откриваат превезот и тајната за парите, без оглед колкви се тие, на кој начин се заработени и потрошени, за да ни покажат дека вложениот труд, чесноста и желбата за успех секогаш водат кон саканата цел – вели професорот Веле Смилевски во рецензијата за книгата.
„Како ги заработив првите пари“ е четврта книга на Велинова.