Во соработка со Општина Велес во локалната библиотека „Гоце Делчев“, УСАИД ќе го организира четвртиот регионален промотивен настан на кој ќе бидат претставени проектните активности и успешните приказни на лица со попреченост, кои се вработиле или добиле практикантски ангажман преку проект на оваа меѓународна организација.
Проектот на УСАИД за практикантска работа и за вработување лица со попреченост има цел да ја зголеми социјалната инклузија и учеството на лицата со попреченост во целните региони, поддржувајќи го нивното вработување и зголемувајќи ги економските можности.
Проектот почна во август 2012 година и ќе трае четири години. Помошта од проектот е наменета за лицата со попреченост од Скопје, Велес, Куманово, Штип, Пробиштип, Свети Николе, Тетово, Гостивар, Струга, Дебар и од Кичево.