Со нова кампања за подигнување на јавната свест, во Струга продолжува проектот на УСАИД за практикантска работа и за вработување на лица со попреченост.
Целта е да се зголеми социјалната инклузија и учеството на лицата со попреченост во целните региони, поддржувајќи го нивното вработување и зголемувајќи ги економските можности.
Проектот ова го остварува со подобрување на нивните вештини за вработување, преку организација на практика и обуки, како и учество во кампањи за подигнување на јавната свест, со што ги прави овие прашања повидливи за приватниот сектор и за локалните заедници.
За таа цел, во Струга, и во наредниот период, сè до 2016 година, ќе продолжат практиката и обуките наменети за лицата со попреченост.
Покрај во Струга, проектот се одвива и во Скопје, Велес, Куманово, Штип, Пробиштип, Свети Николе, Тетово, Гостивар, Дебар и во Кичево.