Американскиот ексцентричен музичар Принс издаде нов албум на интернет без претходно да го најави тоа. Албумот ,,HITnRUN phase two“ беше издаден претходниот викенд на стриминг-сервисот „Тајдал“, на познатиот музичар Џеј Зи. Ова е четврти албум на Принс во рок од нешто повеќе од една година.
Овој 57-годишен уметник во текот на својата музичка кариера има продадено повеќе од 150 милиони плочи и дискови во светот. Неговата музика покрива палета на многу музички жанрови како блуз, фанк, рок, фолк, џез и хип-хоп.