Стружанецот И.М.(27), доцна синоќа, во кругот на полициската станица во Струга, физички нападнал полициски службеник кој бил на работното место обезбедување на полициската станица.
– Во 21.55 часот, во кругот на полициската станица влегло возило „ауди“ со струшки регистарски ознаки, управувано од страна на лицето Ж.П. од Струга. Во тој момент полицискиот службеник се упатил кон возилото за да праша со која намера го паркирал во кругот на станицата. Притоа, од совозачкото место излегол И.М. и без никаква причина упатил закани и физички го нападнал полицискиот службеник, удирајќи го со тупаници и со клоци во пределот на главата и по телото. Од страна на полициски службеници биле употребени средства за присилба, при што истиот е лишен од слобода и задржан во СВР Охрид – информираат од МВР.
Против И.М. ќе биде поднесена соодветна кривична пријава.