Последните натпревари од втората фаза по групи на Европското првенство во ракомет за жени се играат денеска. Првенството се одржува во Унгарија и во Хрватска.
Досега само репрезентацијата на Норвешка е познат патник во полуфиналето, со убедливи осум бода во првата група. Вториот патник во полуфиналето ќе биде познат по натпреварот помеѓу Данска и Шпанија. Данска има еден бод предност пред Шпанија и доволен и е само еден бод за да се пласира во нокаут-фазата.
Во втората група, четири репрезентации ќе се борат за првите две места. Шведска засега води со седум бодови. Последнот дуел го има со Црна Гора, на кој и со еден бод може да го обезбеди првото место во групата. И пораз може да ја однесе во следната рунда ако во вториот дуел во групата, помеѓу Холандија и Франција, нема победник. Црногорките мораат да победат за да бидат сигурни. Холандија и Франција ќе мора да освојат победа за да имаат шанса да се пласираат понатаму.