Македонија Поради утрешниот протест на ВМРО-ДПМНЕ, булевар „Илинден“ пред Владата од денеска ќе...

Поради утрешниот протест на ВМРО-ДПМНЕ, булевар „Илинден“ пред Владата од денеска ќе биде затворен за сообраќај

Фото: Мета.мк, архивска фотографија, 17 септември 2020 г.

Поради протестот што утре (сабота 18.06.2022 г.) ќе го организира опозициската ВМРО-ДПМНЕ, почнувајќи од денеска (петок 17.06) од 17:00 часот па сè до завршувањето на настанот, делот од булеварот „Илинден“ пред зградата на Владата ќе биде затворен за сообраќај.

Поточно, сообраќајот нема да се одвива од крстосницата на булевар „Гоце Делчев“ со булевар „Илинден“, до крстосницата на булевар „Илинден“ со булевар „Св. Климент Охридски“.

Како што информираат од Министерството за внатрешни работи „на околните сообраќајници ќе се преземаат мерки за посебен режим на сообраќај. СВР Скопје апелира до сите учесници во сообраќајот да се почитуваат наредбите кои ќе ги даваат униформираните полициски службеници“.