Како што јавува порталот Европски Западен Балкан (EWB) Европскиот парламент веќе определил од која политичка група ќе доаѓаат известувачите за земјите од Западен Балкан.Така, за Македонија, како и во претходниот мандат на Парламентот, известувачот ќе го даде Групата за обнова на Европа (поранешниот Сојуз на либералите и демократите), а за Косово ќе известува парламентарец претставник на Зелените.Известувачите за Србија и Босна и Херцеговина се од Европската народна партија, додека нивните колеги за Албанија и Црна Гора ќе бидат од групата на Прогресивниот сојуз на социјалистите и демократите.