Најдобрата македонска стрелачка, охриѓанката Нина Балабан е првиот македонски спортист кој доби потврда за учество на Летните олимписки игри 2016 во Рио де Женеиро.
Како што информираат од Македонскиот олимписки комитет (МОК), тие во тесна соработка со Меѓународниот олимписки комитет (ИОК) обезбедиле покана за учество на Нина Балабан на ЛОИ 2016, со што таа е првиот потврден учесник од Република Македонија на Олимписките игри во Рио годинава.
МОК во изминат период во целост ги финансираше сите настапи на Нина Балабан како олимписки стипендист, при што таа оствари MQS резултат, односно постигна минимален резултат за добивање покана од страна на ИОК за пат во Бразил.