Вчера во полициската станица во Гостивар било пријавено дека во временскиот период од 12 до 18 јули, во селото Церово, непознат сторител со употреба на соодветен предмет насилно ја отворил вратата од црквата „Св. Никола“ и одзел 600 денари, по што го напуштил местото на настанот.
Исто така, било пријавено и дека во временскиот период од 16 до 18 јули во Ново Село, Гостиварско, непознат сторител со употреба на соодветен предмет насилно ја отворил вратата од црквата „Св. Јован“ и одзел 400 денари, по што го напуштил местото на настанот.
Во периодот од 13 до 18 јули, во гостиварското село Сушица, непознат сторител со употреба на физичка сила насилно ја отворил вратата од црквата „Св. Никола“ и одзел 5.000 денари и 100 грама злато во вид на букви, по што го напуштил местото на настанот.
Се преземаат мерки за расчистување на овие случаи.