Од понеделник заловувачкиот тим на ЈП Лајка ќе започне со стратешко заловување во општина Аеродром, известуваат од јвното претпријатие.
Тимот заловувачи во текот на целата следна недела ќе заловува во општината во следните реони: Ново Лисиче, Јане Сандански, Реонски Центар, Бисер, Стар Аеродром, Мичурин и Острово.
„Заловувачкиот тим ќе го залови секое бездомно куче кое што ќе го сретне во овие реони а кое го нема поминато хуманиот третман“, известуваат од ЈП Лајка.
Од претпријатието апелираат до граѓаните од гореспоменатите населби, доколку имаат бездомно куче кое сакаат да го посочат на заловуваните тимови да се јават на телефонските броеви 02 256 5859 / 071 219 925 или да пријават на info@lajka.com.mk.
ЈП Лајка во последниов период интензивно врши заловување на бездомните кучиња во Општина Аеродром, откако градоначалникот Тимчо Муцунски изрази незадоволство од работата на ова претпријатие и се пожали на големиот број кучиња по улиците.