Од ноќеска дизелот поевтинува за три денари, одлучи Регулаторната комисија за енергетика и водни услуги на Република Северна Македонија. Согласно последната одлука, се намалуваат малопродажните цени на нафтените деривати во просек за 1,38 отсто во однос на одлуката од 16 овој месец.
Малопродажната цена на еуродизел се намалува за 3 денари за литар, а малопродажната цена на екстра лесното масло за домаќинствосе намалува за 1,5 денари за литар. Малопродажната цена на мазутот се намалува за 1 денар за килограм, и сега ќе изнесува 50,3 денари.
Малопродажните цени на бензините еуросупер БС-95 и еуросупер БС-98 не се менуваат.