Членовите на новоформираната Комисија за воедначување на казнената политика го избраа обвинителот од Основното јавно обвинителство за гонење организиран криминал и корупција, Јован Илиевски, за претседател на Комисијата, пишува „Утрински“ на својата интернет-страница.
Седуммината членови, кои ја сочинуваат Комисијата, ги избира Собранието, а нивниот мандат е четири години, со право на повторен избор.
Како што пренесува „Утрински“, два члена се избираат по предлог на Јавниот обвинител на Република Мкаедонија, од редот на јавните обвинители со најмалку 10 години работно искуство.
Во Комисијата, покрај Илиевски, членуваат јавниот обвинител во Јавното обвинителство на Република Македонија, Неџат Елези, судијките од скопскиот Апелациски суд, Гордана Сајковска и Татјана Дуковска, адвокатот Љупчо Наумовски, универзитетската професорка Арта Билали и универзитетскиот професор Ѓорѓи Сламков.