Обединетите нации ќе ги прекинат хуманитарните операции во Сирија, соопшти синоќа Џeси Шахин, портпарол на ОН. Како причина за потегот, Шахин ја наведе комплицираната политичка ситуација во државата.
– Во овој момент, ОН не можат да дејствуваат со хуманитарните операции во Сирија поради општата политичка ситуација на теренот – изјави таа.
Суспензијата ја вклучува хуманитарна работа во градовите Забадани и Мадаја, во близина на границата со Либан, и во шиитските села Фуа и Кафраја, во северозападниот дел на Сирија.
„ОН ги повикуваат сите засегнати страни да ги исполнат своите одговорности во заштитата на цивилите и да се постигнат потребните спогодби“, се вели во соопштението на ОН.