Американскиот претседател Барак Обама изјави дека не би се кандидирал повторно за претседател, дури ни кога тоа би било возможно, затоа што не би му дозволила сопругата Мишел.
Обама ова го изјави во текот на кампањата за економската политика во Индијана, каде ги повика избирачите да ја поддржат Демократската партија.
За време на говорот, еден од поддржувачите на Обама дофрли „Уште четири години“, алудирајќи на популарниот слоган на неговата втора кампања од 2012 година.
– Не можам. Тоа е забрането со Уставот, а уште поважно е дека Мишел тоа ми го забранува – одговори Обама.
Обама рече дека очекува победникот во трката за демократската претседателска номинација да биде познат следната недела, откако Хилари Клинтон и Берни Сандерс ќе ги завршат предизборните трки во Калифорнија и во Њу Џерси.
Не спомнувајќи го говорот на републиканскиот претседателски кандидат Доналд Трапм, Обама рече: „Она што ви го говорат републиканците за економијата, нема основа во фактите“.