Собранието на Косово ќе го избира новиот претседател на државата во текот на февруари, соопшти денеска претседателот на Собранието, Кадри Васељи, по состанокот со Здружението на политички затвореници.
– Знаеме дека Хашим Тачи засега е единствен кандидат. Верувам дека тој ќе биде избран за претседател на земјата и овој процес не треба да се искомплицира – рече Весељи.
Изборот на Тачи за претседател е предвиден со коалицискиот договор меѓу двете најголеми партии, Демократската партија на Косово и Демократскиот сојуз за Косово.
Опозицијата и еден дел од пратениците од Демократскиот сојуз се противат на тоа, наведувајќи дека Тачи не е фигура која ветува единство.