Телеметриската сеизмолошка мрежа на сеизмолошките станици инсталирани ширум државата, одржувани од Сеизмолошката опсерваторија при Природно-математичкиот факултет во Скопје, денеска регистрираше земјотрес 75 километри југоисточно од Скопје, кој потекнува од епицентрално подрачје Свети Николе-Штип.
Според досегашните податоци со кои располага опсерваторијата, земјотресот се случил во 13.08 часот со Рихтерова локална магнитуда M L 2.5 и интензитет од III-IV степени според Европската макросеизмичка скала, а бил почувствуван од населението во Штип и околината.