Најмалку 100 лица загинаа во експлозија во фабрика за преработка на гас на југот во Нигерија, јавуваат локалните медиуми.
Несреќата се случила во градот Неви, а загинатите се претежно клиенти кои полнеле гас.
Експлозијата и пожарот што следел по неа, биле толку силни што во нив настрадале и жители на околните куќи и случајни минувачи.
Неколку тешко повредени лица се префрлени во градската болница.