Неколку лица се приведени во полициската акција вечерва, при растерувањето на демонстрантите кои го демолираа објектот на народната канцеларија на претседателот Ѓорге Иванов.
Според неофицијални информации, има и неколку повредени, а во центарот на градот забележани се и возила на брза помош.
Моментално состојбата е мирна, а демонстрантите немаат пристап до објектите на народната канцеларија, Министерството за правда и до штабот на ВМРО-ДПМНЕ.
Претходно, кордон од специјалните сили на полицијата ги растера демонстрантите што протестираа во центарот на градот.