Две членки на НАТО рекоа дека руските беспилотни летала го нарушиле нивниот воздушен простор, бидејќи еден наводно, полетал во Романија за време на ноќните напади врз соседна Украина, додека друг се урнал во источна Латвија, пренесе „Гардијан“.
Беспилотно летало навлегло на романска територија вчера рано наутро додека Москва погодила „цивилни цели и пристанишна инфраструктура“ преку Дунав во Украина, соопшти романското Министерство за одбрана. Букурешт распореди воени авиони Ф-16 за следење на воздушниот простор и издаде предупредувања до жителите на два источни региони. Засега нема информации за жртви или материјална штета.
Латвискиот министер за одбрана, Андрис Спрудс, рече дека руско беспилотно летало паднало ден претходно во близина на градот Резекне. Заменик генералниот-секретар на НАТО во заминување и поранешен врвен дипломат на Романија го осудија руското кршење на романскиот воздушен простор.
Мирчеа Џоана, заменик-генералниот секретар на НАТО напиша на X:
„Иако немаме информации што укажуваат на намерен напад од страна на Русија против сојузниците, овие дела се неодговорни и опасни“.