Шпанската амбасада во Каракас е погодена со повеќе рачно изработени експлозивни направи, соопштија венецуелските власти.
Обвинителството наведе дека две лица на мотор вчера кон амбасадата фрлиле повеќе молотови коктели. Нема информации за повредени или материјална штета, а полицијата и обвинителството го истражуваат случајот.
Венецуела се соочува со повеќемесечни протести и со политичка нестабилност поради желбата на претседателот Николас Мадуро да го измени уставот.
Денеска се очекува да се одржи конститутивната седница на Уставотворното собрание, избрано во неделата.