Хуманитарните организации побараа да се соберат 500 милиони долари за Ирак, соопшти денеска УНИЦЕФ, во пресрет на меѓународниот состанок во Париз посветен на ситуацијата во Ирак и во Сирија.
– Хуманитарната ситуација во Ирак се приближува до катастрофа! Итно ни се потребни дополнителни средства за да продолжиме да работиме во земјата – рече претставникот на УНИЦЕФ во Ирак, Филип Хефлинк.
Според податоците на ОН, итна хуманитарна помош е потребна за околу осум милиони лица во Ирак. Три милиони Ирачани морале до јуни минатата година да ги напуштат своите домови поради офанзивата на Исламска држава.