На Детската клиника вчера, по повеќе од две недели лекување на Интензивна нега, починало десет и пол месечно бебе, кои имало тешки компликации од морбили, соопштија од Институтот за јавно здравје.
Ова е четврти смртен случај како последица од мали сипаници од почетокот на прогласувањето на епидемијата досега.
Кај починатото дете претходно не биле регистрирани хронични заболувања и не било вакцинирано. Тоа добило тешка пневмонија и мозочно крварење.
Во текот на изминатата недела во ИЈЗ биле пријавени 113 сомнителни случаи од кои кај 110 се регистрирани мали сипаници. Од нив, 46 се во Скопје, а 64 се од другите градови.