– Доколку Уставниот суд го оспори членот од Изборниот законик, нема да постојат пречки за исплата на субвенциите. Имаме соодветна ликвидност – изјави министерот за финансии, Кирил Миноски, за „Телевизија 24“.
Тој се надева дека парите ќе се исплатат во законски предвидениот рок до 30 јуни.
Од Уставниот суд за „Алсат-М“ потврдиле дека ќе решаваат дали министерот за финансии во заминување, Кирил Миноски, може или не во овој период да исплаќа субвенции, но не кажале кога оваа точка би била на дневен ред.
Земјоделците до утре поставија рок за да се сретнат со министерот за земјоделство, шумарство и за водостопанство, Михаил Цветков, министерот за финансии, Кирил Миноски, и со директорот на Платежната агенција, Игор Златков. Во спротивно, најавија порадикални протести, но и блокирање на граничните премини.