Зошто одредени училишта во Струга и во Кичево немаат греење од почетокот на грејната сезона, што предизвика бојкот на наставата, ќе проврува Министерството за образование.
Според заменик министерот за образование, Спиро Ристовски, ќе се контролира како се трошат парите за греење во училиштата и кој дозволил учениците да смрзнуваат.
– Министерството за образование секоја година доставува редовни блок-дотации до општините од кои треба да се финансира греењето. Како и до сите општини, така и до овие две општини, Министерството редовно си ги сервисира своите обврски и ги исплаќа дотациите. Менаџирањето на тие средства потоа е во надлежност на локалната самоуправа – вели Ристовски.