Утре, во Конгресниот центар на Универзитетот „Св. Кирил и Методиј“ (УКИМ) во Охрид, свечено ќе биде отворена 48. по ред летна македонистичка школа, Меѓународниот семинар за македонски јазик, литература и култура, кој ќе трае до 27 јуни.
Од УКИМ велат дека Меѓународниот семинар за македонски јазик, литература и култура веќе е препознатлив како летен универзитет по македонистика, за што сведочи и големиот интерес за учество.
Годинава на семинарот ќе учествуваат 78 стипендисти од 20 земји.
Најголем број од стипендистите се студенти на прв и на втор циклус студии, кои го изучуваат македонскиот јазик, како главен или како изборен предмет. Петмина од учесниците се докторанти, чии теми на истражување се поврзани со македонскиот јазик.
На семинарот годинава ќе учествуваат и 18 професори кои на своите универзитети ги вклучуваат темите од областа на македонскиот јазик, литература и култура.