Новиот македонски амбасадор во Атина, Дарко Ангелов, денеска оствари средба со заменик-министерот за надворешни работи на Грција, Димитрис Куркулас. Првата средба на двајцата дипломати беше, главно, можност за запознавање и за дискусија за можноста за интензивирање на соработката меѓу двете држави.
Средбата била протоколарна и поминала во добра клима.
Ангелов доаѓа во Атина од Будимпешта, каде беше прв човек во македонската амбасада во Унгарија и како наследник на претходниот амбасадор и шеф на македонската канцеларија за врски, Сашко Стефков.
Новиот македонски амбасадор во Атина доаѓа во интересен период на можен пресврт на политичката сцена, политички турбуленции поради изборите и голема поларизација помеѓу политичките партии, што дополнително го стеснува просторот на можности и волја на грчките политички лидери да се зафатат со решавање на спорот за името.