Либерално-демократската партија (ЛДП) го поздрави приемот на Република Црна Гора во НАТО, што, како што вели, ќе ја подобри стабилноста и безбедноста на регионот. Партијата изрази надеж дека наскоро ќе се случи истото и со Македонија и побара од новата власт сериозна работа на спроведувањето на реформите за евроатлантските вредности.
„Претходната влада, на чело со Никола Груевски, не успеа да ги исполни сите реформски императиви на алијансата, го смали буџетот за реформите на одбраната, покажа дискутабилни позиции во поглед на членството на Република Македонија во НАТО и перманентна критика на клучните членки на алијансата. ЛДП во координација со коалициските партии ќе преземе бројни иницијативи за да покажеме дека местото на Македонија е во НАТО и дека во најкус временски интервал, идна членка од регионот на Западен Балкан ќе биде токму Македонија“, се вели во соопштението од партијата.