Двегодишниот германски овчар на семејството на американскиот претседател Џо Бајден каснал уште еден агент на Тајната служба.
Нападот се случил во понеделникот вечерта, а на службеникот му била укажана помош на местото на настанот, се вели во вчерашното соопштение на Тајната служба што го пренесе Би-би-си.
Ова е единаесетти пат кучето Командер да касне чувар во Белата куќа или во домот на семејството Бајден.
Прес-секретарката на Белата куќа, Карин Жан-Пјер претходно рече дека стресот од живеењето во Белата куќа бил причина за нападите.
„Како што сите знаете, комплексот на Белата куќа може да биде уникатен и многу стресен. Тоа е нешто што сигурна сум дека сите можете да го разберете. Тоа е уникатно и е стресно за сите нас. Така што, можете да замислите како е за семејно милениче или семејни миленици“, рече Жан-Пјер во јули.
Инаку, Командер е помладиот од двата германски овчара на семејството Бајден. Другите инциденти се случиле во домот на претседателот и првата дама во Делавер.
Во јули, официјални лица од Белата куќа рекоа дека, по низата напади врз персоналот, испробуваат нови техники за врзување и обука на Командер.
Ниту една од повредите на чуварите не била сериозна. Во инциденти со каснување агенти на Тајната служба било вклучено и другото куче на Бајден, Мајор.
Командер во Белата куќа пристигна во 2021 година како подарок од братот на Џо Бајден, Џејмс.