Скопјанка се сомничи дека како вработена во осигурителна компанија, во периодот од 2020 до 2021 година, со лажно прикажување на факти измамила оштетена, убедувајќи ја дека доколку ѝ даде пари добиени по основ осигурително осигурување во износ од 120.000 денари, може да ѝ го зголеми износот на оштетеното побарување, соопшти МВР.
Против 44-годишната Т.П.М поднесена е кривична пријава поради сомнение за сторени кривични дела „измама“ и „фалсификување исправа.
„Откако ја довела во заблуда оштетената и ги добила парите од неа, пријавената изготвила и со свој печат и потпис, заверила лажен документ на осигурителната компанија, со кој потврдила дека наводно парите се уплатени на сметка на компанијата за потребите на предметот за повторно разгледување и одобрување на поголем износ од оштетеното побарување“, информираа од МВР.