Кина ги обвини САД за сериозна воена провокација затоа што американски бомбардер прелетал над еден од кинеските вештачки острови во Јужното Кинеско Море.
Кинеското министерство за одбрана соопшти дека САД намерно ги поткреваат тензиите во спорната област.
Вашингтон е повикан веднаш да преземе чекори да спречи повторување на вакви инциденти и загрозување на односите на војските на двете земји.
Во соопштението Кина предупредува дека ќе ги преземе сите неопходни мерки за да ги заштити суверенитетот и безбедноста.
Портпаролот на Пентагон, Бил Урбан, во петокот соопшти дека САД редовно организираат пробни летови на бомбардерот „Б-52“ во регионот, но дека немало план авионот да лета на помалку од 12 наутички милји од кој било вештачки остров што Кина го гради на тој дел од морето.