Катар поднесе жалба до Светската трговска организација против три од четирите арапски земји што ги прекинаа дипломатските односи со Доха.
Во жалбата се наведува дека Саудиска Арабија, Обединетите Арапски Емирати и Бахреин ги кршат законите и договорите за трговија.
Тие три земји заедно со Египет на почетокот на јуни ги прекинаа дипломатските односи и сообраќајни врски со Катар, обвинувајќи дека оваа држава го поддржува тероризмот, што Катар го негира.
Бојкотирајчи го Катар, се наведува во жалбата, не се нанесува штета само на државата која е најголем извозник на течен природен гас на светот, туку и на неговите трговски партнери.
Според правилата на Светската трговска организација, засегнатите страни во спорот имаат рок од 60 дена да го решат проблемот низ преговори. Доколку не успеат, Катар може да бара основање на независна комисија која може да ги натера трите земји да ја прекинат изолацијата или да ги казни.
Катарскиот министер за економија и за трговија во меѓувреме во Женева се состанал со претседателот на Светската трговска организација и со адвокати кои се специјализирани за трговски спорови.