Иванка Трамп се приклучи кон администрацијата на својот татко како официјално вработена. Таа ќе работи во Белата куќа, но нема да зема плата.
Трамп изјави дека „слушнала дека некои луѓе се загрижени што таа ќе го советува претседателот како приватно лице“.
Иванка Трамп и претходно најави дека ќе добие канцеларија во Белата куќа и одобрение од Советот за безбедност, но рече дека нема официјално да се приклучи на администрацијата. Таквата одлука предизвика критики од експертите за етика.
Нејзината адвокатка Џејми Горелик рече дека Иванка Трамп ќе ја пријави својата финансиска состојба исто како што се бара од вработените во федералната администрација и дека ќе ја обврзуваат правилата на етика кои таму важат.
Белата куќа соопшти дека е „задоволна што Иванка Трамп се одлучила на таков чекор“.