Сервисот „инстаграм“ на компанијата „Фејсбук“, според последните информации, брои повеќе од 300 милиони активни корисници, кои дневно споделуваат повеќе од 70 милиони фотографии и кратки видеозаписи.
„Инстаграм“ за четири години од постоењето успеа да ја достигне оваа бројка. Во март годинава сервисот броеше 200 милиони корисници, а доказ за неговата популарност и за забрзаниот пораст е фактот што значително постариот сервис „Твитер“ во овој момент има 284 милиони корисници.
Срвисот за споделување фотографии е под капата на „Фејсбук“ од април 2012 година, кога го купи за милијарда американски долари. „Фејсбук“, откако го купи „Инстаграм“, воведе мали промени, како на пример беџовите за проверени профили – кои ќе бидат воведени деновиве.