По средбата на вицепремиерот задолжен за европски прашања, Фатмир Бесими, и еврокомесарот за претпристапни преговори, Јоханес Хан, во Брисел, Европската комисија посочи дека се разговарало за актуелната политичка криза во земјата, со поглед кон поддршка за напредок во дијалогот помеѓу политичките партии.
Еврокомесарот Хан го повторил својот повик до сите страни, во интерес на земјата и на нејзините граѓани, да се најде траен политички компромис, граден врз договорот постигнат на 2 јуни. Тие, исто така, разговарале за итните реформски приоритети кои Комисијата одблиску ќе ги набљудува во наредните месеци.
Т.М.