Еврокомесарот за проширување и за соседска политика, Јоханес Хан, денеска во Скопје ќе изврши притисок врз лидерите на политичките партии за да го спроведат Договорот од Пржино.
„На пат кон Скопје, ќе се сретнам со сите политички партии за да притиснам за итен напредок на политичкиот договор“, напиша Хан на својот твитер-профил. Ова е трета посета на еврокомесарот на Македонија во последните четири месеци.
“On my way to #Skopje, meeting all political parties to press for urgent #progress with #political agreement”.
— Johannes Hahn (@JHahnEU) October 19, 2015
Европската унија неколку пати апелираше до политичките партии да ги почитуваат утврдените роковите и законот за специјален обвинител, предвидени со Договорот од Пржино.
Политичките партии викендов постигнаа договор за изборниот законик, по двенеделно пробивање на рокот. Законот денеска би требало да се најде пред пратениците во Собранието.
Според Договорот од Пржино, до утре треба да се изберат нови министри и заменици-министри на преодната влада.