Претседателот на ВМРО-ДПМНЕ, Никола Груевски при денешната посета на Oпштина Сопиште рече дека Владата или назначува некомпетентни кадри, или тоа го прави незаконски.
– Се разрешуваат некои кадри што треба да ги разреши и назначи Парламентот, а Владата ги разрешува. На пример, ги назначил Парламентот и согласно законот, треба и да ги разреши доколку оцени така. Сега Владата ги разрешувa и новите ги назначува, што е спротивно на законот. Вакви примери има многу – изјави Груевски.
Според него, Владата направила хаос во однос на назначувањето на кадрите и во иднина ВМРО-ДПМНЕ ќе бара одговорност за ваквото постапување.